“ငါးပါးသီလ စောင့်ထိန်းခြင်း”

“ငါးပါးသီလ စောင့်ထိန်းခြင်း”
••••••••••••••••••••••••••••••••••
အရှင်ဘုရား …
တပည့်တော်မသည် ဘာသာရေးကို ထိရောက်အောင် 
မလုပ်နိုင်သေးချိန်မှာ ငါးပါးသီလကို လုံအောင် 
စောင့်ထိန်းလိုစိတ် ပြင်းပြလျက် ရှိပါသည်။
သို့ရာတွင် အစိုးရဝန်ထမ်း ဖြစ်သည့် အတွက် 
အစိုးရလစာနှင့် မလုံလောက်သောကြောင့် 
အပိုဝင်ငွေကို ရှာကြံရပါသည်။ 
ဥပမာ -တစ်ခုလိုတာကို နှစ်ခုလို့ အထက်ကို 
တင်တောင်းရတာမျိုး၊ 
တစ်ပိဿာထွက်တာကို ၇၀-ကျပ်သားပဲ ထွက်တယ်လို့ 
စာရင်း တင်ရတာမျိုး ဖြစ်ပါသည်။ 
ဝန်ထမ်းတွေ အဆင်ပြေအောင် ရှာကြံပေးသည့် 
လူကြီးရဲ့ စေတနာကိုလည်း မထီမဲ့မြင် မပြုလိုပါ။ 
လူကြီးကို ပွင့်ပွင့်လင်းလင်း ပြောပြလိုက်လျှင် 
တပည့်တော်မမှာ ရုံးမှာ လုပ်စရာမရှိဘဲ၊ဘေးကို 
ရောက်သွားနိုင်တဲ့အတွက် လုပ်ပေးနေရပါသည်။ 
သို့ရာတွင် တပည့်တော်မ ရရှိသည့် အပိုဝင်ငွေကို 
သီလပျက်မည် စိုး၍ မသုံးဘဲ သိမ်း၍သာထားဖြစ်ပါသည်။ 
အဲဒီလို ပြဿနာကြားမှာ ငါးပါးသီလ လုံအောင် 
ဘယ်လို နေထိုင်ရမည်ကို ညွှန်ကြား 
ပေးစေလိုပါသည် အရှင်ဘုရား။
[အေးသီတာဝင်း]

ဖြေ ။ ။ မြန်မာပြည်က လက်ရှိ အစိုးရဝန်ထမ်း
အားလုံးနီးပါးရဲ့ ထုံးစံအတိုင်း စာရင်းလိမ်တင်ပြီး၊
အပိုဝင်ငွေ ရှာရတယ်။ 
ဒီလို လုပ်တာကို ဝန်ထမ်းလစာနဲ့ မလုံလောက်လို့ 
လူကြီးကလည်း မသိချင်ယောင် ဆောင်နေတယ်။ 
အဲဒီနည်းနဲ့ ရလာတဲ့ အပိုဝင်ငွေကို အဒိန္နာဒါန 
သိက္ခာပုဒ် ပျက်မှာစိုးလို့ မသုံးဘဲ သိမ်းထားတယ်။ 
ဒီအခြေအနေမှာ ငါးပါးသီလကို ဘယ်လိုစောင့်ထိန်းရမလဲ။ 
မေးခွန်းကို အဲဒီလို ကောက်ချက်ချပြီး ဆွေးနွေးရရင် ..

“မုသားအင်္ဂါ”
•••••••••••••••••
မုသာဝါဒ (မုသားပြောခြင်း)မှာ အင်္ဂါရပ် နှစ်ခုရှိတယ်
မပြော ဆိုမီ ပြောဆဲနဲ့ ပြောပြီးခဏမှာ အမှားကို
အမှားမှန်း သိနေပါလျက် 
(၁) တစ်ဖက်သားအား အလွဲအမှားကို သိသွားစေလိုခြင်း 
(၂) မိမိပြောဆို တင်ပြသော အကြောင်းအရာကို 
တစ်ဖက်သား နားလည်အောင် ကိုယ်နှုတ်တို့ဖြင့် 
အားထုတ်ခြင်း။ 

မိမိ(မေးခွန်းရှင်)ဟာ တစ်ပိဿာကို ၇၀-ကျပ်သားလို့
စာရင်း မတင်မီ တင်ဆဲ တင်ပြီးစမှာ မိမိရဲ့ ရေးသားချက်ဟာ 
မမှန်ဘူးလို့ သိနေလျက် အဲဒီ အမှားကိုပဲ တစ်ဖက်သားအား 
အသိပေး လိုခြင်း၊ ကြည့်ရှုစစ်ဆေးခွင့်ရှိသူ နားလည်အောင် 
ကိုယ်အမူ အရာ(ရေး၊ ရိုက်၊ ဖိုင်တွဲ)ဖြင့် အားထုတ်ခြင်း 
ဖြစ်ခဲ့ရလို့ သိက္ခာပုဒ် ကျိုးပေါက်တယ်။ 
ဒါပေမယ့် .. “အမှားကို အသိပေးလိုခြင်း”
ဆိုတဲ့အချက်ကို နည်းနည်း စဉ်းစားခွင့်တော့ ရှိတယ်။ 
ခိုင်းလို့ လုပ်ရတာမျိုး ၊အများသဘောကို မလွန်နိုင်လို့ 
လုပ်ရတာမျိုး ဖြစ်ရင် 
❦“သသင်္ခါရိက အကုသိုလ်” ဖြစ်လို့ 
အကျိုးပေး အားနည်းမယ်။ 
❦အဲဒီလို မဟုတ်ရင် “အသင်္ခါရိက အကုသိုလ်”
ဖြစ်လို့ အကျိုးပေး အားကောင်းမယ်။

“အဒိန္နအင်္ဂါ”
•••••••••••••••••
ခိုးခြင်းမြောက်ဖို့ အဓိက အင်္ဂါရပ် သုံးခုရှိတယ်။
(၁)။မိမိဥစ္စာ မဟုတ်မှန်း သိခြင်း၊
(၂)။ခိုးယူလိုသော စိတ်ရှိခြင်း 
(၃) ခိုးယူ ခြင်း။ 
ရရှိလာတဲ့ အပိုဝင်ငွေတွေကို
စားပွဲပေါ်တင်ပြီး မေးခွန်းတွေကို ဖြေကြည့်ပါ။
ဒီငွေတွေဟာ မိမိဥစ္စာ (မိမိ ရသင့်သလောက် ရတာ)
မဟုတ်မှန်း သိနေပါသလား။ 
ဒီလိုလုပ်ရင် ဒါရမယ်၊ဒီလောက်ရမယ် ဆိုတာကို 
သိနေခဲ့ပါသလား။ ဘာပဲဖြစ်ဖြစ် (ကွယ်ရာမှာ ငါ့ကို 
ခင်ကြီးကျယ်လို့ ပြောနေကြပါအုံးမယ် ဆိုပြီး) 
တစ်ပိဿာကို ၇၀-ကျပ်သား၊
တစ်ခုလိုတာကို နှစ်ခုဆိုတဲ့ စာရင်းကိုတော့ 
ကိုယ့်လက်နဲ့ သွင်းဖြစ်ခဲ့တယ် မဟုတ်လား။ 

အဖြေတွေက YES ဆိုရင် ခိုးခြင်းရဲ့ 
အင်္ဂါသုံးရပ်နဲ့ မညီဘူးလို့ ငြင်းဖို့ ခက်သား။

“မသုံးဘဲ သိမ်းထားတယ်” ဆိုတာကို 
နည်းနည်း သုံးသပ်ကြည့်ရင် ….
ဆိုပါစို့၊ လူသုံးဦးအနက် နှစ်ဦးက ခိုးချင်လို့ ခိုးတယ်။ 
တစ်ဦးက မခိုးချင်ဘဲ၊ ပါခဲ့ရတယ်ဆိုရင် ဒီလူဟာ 
ခိုးခြင်း အင်္ဂါရပ် အမှတ် (၂) မပြည့်စုံတဲ့အတွက် 
ခိုးခြင်း မမြောက်ဘူးလို့ ဆိုနိုင်သေးတယ်။ 
ဒါပေမယ့် ခိုးရာပါ ဝေစုကိုယူရင်
သိမ်းဆည်းထားရင်(ပုထုဇဉ်ဘာဝ နောက်ပိုင်းမှာ
စိတ်ပါသွားနိုင်လို့) အဲဒီ အင်္ဂါရပ် ပြည့်စုံသွားမယ်
လို့ပဲ ဘုန်းကြီး ယူဆတယ်။

❦ရဟန်း သိက္ခာပုဒ်မှာတော့ ပစ္စည်းတစ်ခုကို 
ခိုးလိုစိတ်နဲ့ ကိုင်ကြည့်ပြီး နေရာရွှေ့မိတာနဲ့ 
(စိတ်ပြောင်းပြီး အဲဒီပစ္စည်းကို ပြန်ထားခဲ့ ရင်တောင်) 
ခိုးခြင်း မြောက်သွားပြီ။

“သမ္မပ္ပဓာန်”
•••••••••••••••••••••••••
ယနေ့ မြန်မာ့စီးပွားရေး ပျက်ကပ်ရဲ့ ဝဲဂယက်ကြောင့် 
မြုပ်ချည် ပေါ်ချည်ဖြစ်နေတဲ့ မြန်မာ့လူ့အဖွဲ့အစည်းမှာ 
အူမ မတောင့်လို့ သီလစောင့်နိုင်ဖို့ ခက်တယ်။ 
မေးခွန်းရှင်ရဲ့ လက်ရှိ အစိုးရဝန်ထမ်း အခြေ
အနေကိုတော့ အသင်္ခါရိက အကုသိုလ် (စိတ်ပါလက်
ပါ ကျူးလွန်)အဆင့်ကနေ သသင်္ခါရိက အကုသိုလ်
(မလွှဲသာလို့ ကျုးလွန်ရ)အဆင့်ကို လျှော့ချနိုင်တာကိုပဲ 
(ခိုးတာတော့ ခိုးတာပဲလို့ အပြစ်မတင်သင့်ဘဲ) 
မဆိုးဘူးလို့ဘဲ ဆိုရမှာပေါ့။ 

မဖြစ်သေးတဲ့ အကုသိုလ်ဖြစ်မလာအောင် 
(သို့မဟုတ်)လျော့ပါးအောင် လုပ်တာ
ကိုပဲ ကောင်းသော အားထုတ်မှု (သမ္မပ္ပဓာန်)လို့ ဆို
နိုင်အံ့ ထင်ပါတယ်။

လမ်းလေးခွ ဆုံရာမှာ “ရိုးသားကြိုးစား လုပ်
အားဖြင့် နိုင်ငံတည်” ဆိုတဲ့ ဆိုင်းဘုတ်ကြီးတွေကို
တွေ့ရတိုင်း မြို့တည်နန်းတည် ဥမင်လိုဏ်ခေါင်းတွေ
တည်ဖောက်နိုင် လောက်အောင် ချမ်းသာပြီးဖြစ်တဲ့
အဲဒီလူတစ်စုဟာ ဂယက်ထဲက ပြည်သူတွေကို 
၎င်းတို့ရဲ့ စည်းစိမ်တွေရဲ့ လေးပုံ တစ်ပုံလောက် 
ကလေးတောင် ခွဲဝေမပေးနိုင်သေးသရွေ့ အဲဒီ 
ဘုတ်ကြီးတွေဟာ လူရယ်စရာ ၊ လူအများ စိတ်ဆိုးစရာ
ဖြစ်နေအုံးမှာပဲလို့ စိတ်ထဲမချိတင်ကဲ ခံစားခဲ့မိဖူးပါရဲ့။

ဒါကြောင့် ငါးပါးသီလကို လုံအောင်စောင့်ချင်ရင်
ဆိုင်းဘုတ်ဟောင်းကြီးတွေကို ဖြုတ်ချပစ်နိုင်စွမ်း 
ရှိတဲ့ လူစွမ်းကောင်းကို အားပေးဖို့ မမေ့ပါနဲ့။

“ဘယ်လိုစောင့်”
•••••••••••••••••••••••••
ရုံးပိတ်ရက်မှာ ငါးပါးသီလကို အထူးခံယူပြီး 
အဓိဋ္ဌာန်နဲ့ စောင့်ကြည့်ပေါ့။ (ရုံးဖွင့်ရက်မှာတော့ 
ခုနက ပြောပြတဲ့ သမ္မပ္ပဓာန် ကုသိုလ် လောက်ပေါ့။) 
တစ်ပတ်ကို ၂-ရက်၊ တစ်လကို ၈-ရက်၊ 
တစ်နှစ်ကို၉၆-ရက်။ 
ဒီတော့ အဓိပ္ပာယ်က တစ်နှစ်မှာ ၃-လနဲ့
၆-ရက်။ မနည်းပါဘူး။ ကြိုးစားကြည့်ပေါ့။
ဘုရားရေ .. ဒီအတိုင်းဆို မြန်မာ့ ငါးပါးသီလက
ရုံးပိတ် ရက်ကျမှ စောင့်ရမယ့် အနေမျိုးဗျို့။ 

“သေခါမပါ လက်ချည်းသာ”
••••••••••••••••••••••••••••••••
ကုဋေကုဋာ ရတနာလျှင်
ဥစ္စာအကျိုး များစွာရှိလည်း
ရှိလှည့်စေကာ ကြမ္မာတရား
ကံကိုထား၍ လက်ဝါးဖွေးဖွေး
အမွေးမကပ် မစပ်ကိုယ်မှာ
ရွေးသပြာနှင့် ခပ်ပြာဆပ်ပြာ
စဖိုပြာမျှ သေခါမပါ
လက်ချည်းသာတည်း။
(မဃဒေဝ၊ ပိုဒ်-၅၀၈)
-【စာရိုက်ပူဇော်သူ - Admin Team of
Young Buddhist's Association】
-【ဆရာတော်အရှင်ကေလာသ】