ကြက်ဥလေးတွေအကြောင်း (မကြာမကြာစားနေရလို့)

ကြက်ဥလေးတွေအကြောင်း (မကြာမကြာစားနေရလို့)
*******************
ကြက်ဥရဲ့အရောင် 
------------------------
ကြက်ဥရဲ့အခွံဟာ အဖြူရောင်၊အညိုရောင် စသည်ဖြင့် အမျိုးမျိုးရှိ
တတ်ပါတယ်။ အခွံရဲ့အရောင်မတူညီမှုက ဥရဲ့အနံ့အရသာ၊ အာဟာရ ပါဝင်မှုတွေနဲ့(လုံးဝ)
မသက်ဆိုင်ပါဘူး။ ကြက်ဥရဲ့အမျိုးအစားနဲ့သာ ဆိုင်ပါတယ်။ ဥအရောင်ဟာ ကြက်တွေ စား
ရတဲ့ အစာပေါ်မှာမူတည်ပါတယ်။ ဂျုံကို အခြေခံတဲ့ အစာတွေစားရသော ကြက်တွေရဲ့ဥဟာ
အဝါရောင်ဖျော့ပြီး၊ ပြောင်းဆန်ကို အခြေခံသော အစားအစာတွေစားရတဲ့ ကြက်တွေရဲ့
ဥဟာ အဝါရောင်ရင့်ပါတယ်။ ဥရဲ့အနှစ်အရောင်ကလည်း အဝါနုနုကနေ၊ လိမ္မော်ရောင်အထိ
ရှိတတ်ပါတယ်။ ဥရဲ့အနှစ်အရောင် မတူပေမယ့် အနံ့ အရသာနှင့် အာဟာရတွေ ကြွယ်ဝမှု
များကတော့ ကွာခြားမှု မရှိကြပါဘူး။

ကြက်ဥတွေဝယ်တဲ့အခါ 
---------------------------------
ဒါကတော့ ကြက်ဥတမျိုးတည်းသာ မဟုတ်ပါဘူး ဘဲဥ ငုံးဥတွေနဲ့
လည်း သက်ဆိုင်ပါတယ်။ ဥတွေကို ဝယ်ကတည်းက အကွဲအအက်မပါတဲ့ ဥနှင့် ဥအခွံပေါ်
မှာ ရွှံ့တွေ ချေးတွေ ညစ်ပေမနေတဲ့ ဥမျိုးကိုသာ ရွေးဝယ်သင့်ပါတယ်။ ဥအခွံဟာ မာနေတဲ့
အတွက် အထဲက အဖြူရည်ကြည်အကာတွေနဲ့ အနှစ်တွေကို လုံခြုံအောင် အကာအကွယ်
ပေးနေတယ်လို့ ထင်ကောင်းထင်ပါလိမ့်မယ်။ တကယ်တော့ ဥအခွံပေါ်မှာ သာမန်မျက်စိ
နဲ့ မမြင်နိုင်တဲ့ အပေါက်သေးသေးလေးတွေ ရှိနေပါတယ်။ အဲဒီအပေါက်လေးတွေကနေ
ပြီး အထဲကို ရေ-ရေငွေ့-လေ ဘက်တီးရီးယားပိုးတွေ စိမ့်ဝင်နိုင်ပါတယ်။ ဥကို မစားသေးပဲ
ကြာကြာထားလေ အခွံထဲက အပေါက်ကလေးတွေ ကျယ်လာလေဖြစ်ပါတယ်။ ဥတွေကို
ရေခဲသေတ္တာထဲမှာထားရင်တော့ ဘက်တီးရီးယားတွေ လွယ်လွယ်နဲ့ မပေါက်ပွားနိုင်
တော့ပါဘူး။

ဥတွေကို ဝယ်လာပြီး မစားသေးပဲ ဒီအတိုင်းထားရင် ရက်ကြာလာတာနဲ့အမျှ ပျက်စီးသွား
ပါလိမ့်မယ်။ အကာအရည်ကြည်တွေ လျော့ပါးလာပြီး အနှစ်ရဲ့ပတ်ပတ်လည်က အမြှေး
ကလေးကလည်း ပျက်စီးလွယ်လာပါပြီ။ ဒါကို ဈေးသည်တွေ အခေါ်အဝေါ်အရ အဆံ
ချောင်တယ်လို့ ပြောလေ့ရှိပါတယ်။ ဥပမာအားဖြင့် ပုံမှန်အခန်း အပူချိန်ထဲမှာ တရက်သာ
ခံမယ့် ဥဟာ ရေခဲသေတ္တာထဲမှာ ၇-ရက်လောက် ခံပါတယ်။ ဒါကြောင့် ဥတွေကို ဝယ်တဲ့
အခါ City Mart တို့လို ရေခဲသေတ္တာထဲ ထည့်ပြီးရောင်းတဲ့ ဆိုင်မျိုးတွေကပဲ ဝယ်သင့်ပါ
တယ်။ အိမ်ရောက်တဲ့အခါမှာလည်း ဥတွေကို ဝယ်လာတဲ့ ဗူး(ကြက်ဥခွက်ဗူး)နှင့်အတူ
ရေခဲသေတ္တာထဲမှာ သိမ်းပေးပါ။ အဲဒီလို ကြက်ဥထည့် ဗူးတွေထဲ သိမ်းထားတော့ ကြက်ဥ
ထဲကို အနံ့ဆိုး မဝင်စေတော့ပါဘူး။ ရေခဲသေတ္တာရဲ့တံခါးမှာ မထားပဲ အတွင်းပိုင်းမှာပဲ
ထားသင့်ပါတယ်။
ဥတွေကို ချက် ပြုတ် ကြော်ပြီးတော့ ပူပူနွေးနွေးစားခြင်းက အန္တရာယ်ကင်းဝေးစေ
နိုင်ပါတယ်။ ဥတွေကို အနံ့ဆိုးတဲ့ ကြက်သွန်လို အစားအစာတွေနဲ့ တွဲမထားသင့်ပါဘူး။

ကြက်ဥမှ ရနိုင်တဲ့ရောဂါ 
----------------------------------
ဒါကတော့ ကြက်ဥတွေသာ မကပါဘူး ဘဲဥ ငုံးဥတွေနဲ့လည်း
သက်ဆိုင်ပါတယ်။ ဥတွေမှာ Salmonella ဘက်တီးရီးယားတွေ ပါလာနိုင်ပါတယ်။
Salmonella ဆိုတာ အစာကတဆင့် ကူးစက်ရောဂါဖြစ်စေတတ်တဲ့ ဘက်တီးရီးယား
တမျိုးဖြစ်ပါတယ်။ ကလေးတွေ၊ သက်ကြီးရွယ်အိုတွေနှင့် ကိုယ်ခံအားနည်းသူတွေမှာ
ရောဂါပိုဖြစ်လွယ်ပါတယ်။ Salmonella ဘက်တီးရီးယားကူး စက်ပိုးဝင်တဲ့ လက္ခဏာ
များမှာ ဥတွေစားပြီးနောက် မကြာမီအချိန်အတွင်းမှာပင် ယားယံခြင်း၊ အင်ပျဉ်အဖု
အပိမ့်များထွက်ခြင်း၊ ဝမ်းပျက်ခြင်း၊ ဗိုက်နာခြင်းတို့ဖြစ်ကြပါတယ်။

ကြက်ဥ(အခွံ)ရဲ့ထူးခြားချက်- 
---------------------------------------
ကြက်ဥခွံတွေမှာ တခါတရံ သွေးကွက်ကလေးတွေ တွေ့မြင်ဖူး
ကြပါလိမ့်မယ်။ ဒါဟာ ကျန်းမာရေးအတွက် ဘေးဥပါဒ်(လုံးဝ)မဖြစ်စေလို့ ကြောက်ဖို့
မလိုအပ်ပါဘူး။ အကောင်ပေါက်မည့် လက္ခဏာမျိုးလည်းမဟုတ်ပါဘူး။ ကြက်ဥဖြစ်ပေါ်
နေစဉ် သွေးကြောငယ်လေးတခု ပေါက်သွားခြင်းကြောင့်သာ သွေးစက်လေးပေါ်နေတာ
ဖြစ်ပါတယ်။

ကြက်ဥပြုတ်(အနှစ်)ရဲ့ထူးခြားချက် 
-----------------------------------------------
ကြက်ဥပြုတ်ရဲ့အနှစ်မှာ မီးခိုးရောင်(ရံဖန်ရံခါ အစိမ်း
ရောင်)သမ်းနေတာကို တွေ့ဖူးကြမှာပါ။ ဒါကတော့ ဥမှာပါတဲ့ သံဓာတ်နှင့် ဆာလဖါ(ကန့်)တို့
ဓာတ်ပြုကြတာကြောင့် အဲဒီလိုအရောင်မျိုး ဖြစ်ပေါ်လာပါတယ်။ ကြက်ဥပြုတ်စဉ် အသုံး
ပြုတဲ့ ရေထဲမှာ သံဓာတ်များနေရင်လည်း ခုလိုအရောင်ဖြစ်တတ်ပါတယ်။ သို့သော် ကြက်ဥ
အနှစ်ရဲ့ အနံ့အရသာ မပြောင်းလဲသလို ကျန်းမာရေးအတွက် အာဟာရတန်ဖိုးတွေလဲ မထိ
ခိုက်စေတာမို့ ယုံကြည်စိတ်ချစွာ စားသုံးနိုင်ပါတယ်။

ကြက်ဥရဲ့အာဟာရတန်ဘိုး
------------------------------------
ဥပမာ ၅၀ ဂရမ်အလေးချိန်ရှိတဲ့ ကြက်ဥတလုံးမှာ ပရိုတင်း
၆-ဂရမ်ကျော် ပါဝင်နေပြီး၊ အဲဒီပရိုတင်းပမာဏ ထက်ဝက်ကျော်က အကာထဲမှာ ပါရှိနေပြီး၊
ကျန်ထက်ဝက်ခန့်က အနှစ်ထဲမှာ ရှိပါတယ်။ ခွန်အားဓာတ် ၇၀- ကယ်လိုရီပါဝင်နေပြီး ထို
ကယ်လိုရီရဲ့ ၄-ပုံ ၃-ပုံက အနှစ်ထဲမှာ ပါရှိနေပါတယ်။ အဆီ၊ မီးစုန်း(phosphorous၊ သံ
ဓာတ်၊ B1၊ B6၊ B12၊ ဖောလစ်အက်ဆစ်၊ ပင်တိုသင်းနစ် အက်ဆစ်၊ ခိုလင်းစတဲ့ ဗီတာမင်
ဘီအုပ်စုတို့အပြင်၊ ဗီတာမင်အေ၊ ဗီတာမင်ဒီ စတဲ့ အာဟာရဓာတ်များလဲ ကြက်ဥအနှစ်ထဲမှာ
ပါရှိနေပါတယ်။ ဒါကြောင့် ကြက်ဥစားတဲ့အခါ အကာရော အနှစ်တွေကိုပါ အားလုံးစားပေးရ
ပါမယ်။ ကြက်ဥရဲ့အာဟာရတန်ဖိုးတွေက ကလေးများ ကြီးထွားဖွံ့ဖြိုးမှုအတွက် အထူးလို
အပ်သလို၊ သက်ကြီးရွယ်အိုများ ခန္ဓာကိုယ် တစ်ရှုးတွေ ပြန်လည်ပြုပြင် တည်ဆောက်ရေး
အတွက် အရေးပါတာကြောင့် အရွယ်၃-ပါးမရွေး ကြက်ဥစားသုံးသင့်ပါကြောင်းနှင့် မိသားစု
ကျန်းမာရေးအတွက် မချက်ပြုတ်ခင် ကြက်ဥတွေကို ကျန်းမာရေးနဲ့ ညီညွတ်အောင် စံနစ်
တကျ သိမ်းဆည်းထားသင့်ပါကြောင်း။ 
---------------------------------------------------------------------